Olta Boka

New Page 1 Ka zgjedhur programin e Rudian Magjistarit “Te kam zemër” për të promovuar klipin e këngës “Zemrën e lamë peng”. Ndërkohë që i ka rënë për hise të përballet me kontestime pa fund. Për momentin, ajo së bashku me autorët e këngës, i kanë lënë sherret mbrapa krahëve dhe kanë nxituar të riorkesterojnë këngën në një studio prestigjioze në Itali. “Jemi munduar që të përcjellim dhe të përmbushim qëllimin që ka kënga, ashtu siç kemi pasur dhe ne qëllimin për ta realizuar këtë videoklip”, tregon Boka. Ndërsa xhirimet e klipit janë bërë në Shqipëri. Ka disa ditë që kënga së bashku me videon është dorëzuar pranë organizatorëve të kësaj gare të këngës në Beograd.
“Me sa di videoklipi është bërë për një kohë të shkurtër se duhej të dorëzohej në Beograd, kështu që sipas informatave që unë kam janë dorëzuar të gjitha materialet”, shprehet Olta. Ndërkohë komentet e para disa muajsh në Tiranë nuk janë asgjë po të shohësh komentet e fundit që janë bërë nga dashamirës dhe fansa të Eurosong për këngën e Bokës. Një britanik shkruan se ajo këngë me titull “Zemrën e lamë peng”, në fakt ka kuptimin “Zemrën e lamë në bixhoz” dhe mënyra se si këngëtarja këndon duket si një version monstruoz i Celin Dion e pushtuar nga shpirtrat e këqinj. Komentet shkojnë më tej në ekstremin më të keq, duke thënë se sa herë këndohet kjo këngë me siguri një shqiptar shkon në vetëvrasje... Gjithsesi ky është një mendim individual dhe ne shpresojmë që Olta jonë do të pritet ngrohtë në Beograd. Viztën e parë në Beograd do ta ketë në 12 maj dhe Olta këto kohë po përgatitet moralisht, duke shpresuar se natën e ngjitjes në skenën e madhe në Serbi do të ketë pranë Zotin. Këto kohë mundohet të ndjekë shkollën, të bëjë jetën si përherë, pavarësisht se për të kanë ndryshuar pak gjëra. Teksa klikon në internet sheh foto e komente për të, që më parë nuk kanë qenë, në shtëpi mban një trofe të rëndësishëm, dhe tani është një vajzë që po shkon në Eurovision me një mision të rëndësishëm: të përfaqësojë artin shqiptar.

Olta do të këndoj këngën “Zemrën lamë peng”, dhe sipas listës zyrtare do të këndoj e gjashtë me radhë.

Nga ana tjetër ekspertët e muzikës thonë se rezultatet finale të kësaj
gjysmëfinale janë shumë të vështira për t’u parashikuar, çka i bënë ata
të flitet për surpriza interesante në natën e fundit të festivalit.

Kjo është hera e parë që janë mbajtur dy gjysmëfinale të Eurovizionit,
për të vendosur se cilat do të jenë 25 këngët e shteteve që do të
konkurrojnë për në natën finale.

Mos mendoni se mosha ndikoi dhe në rezultat?

Atë nuk mund ta them unë. Unë di që dhashë gjithçka duhej. Por duhet pasur parasysh se në këtë festival vijnë vende, të cilat kanë një traditë në muzikë dhe investojnë shuma
të mëdha. Në këtë festival konkurronin 43 vende.

Ju mendoni se ky
rezultat ishte i kënaqshëm, maksimali?

Nuk dua të gjykoj jurinë. Ajo është profesioniste. Por duke pasur parasysh se kush merrte pjesë në këtë festival, personalisht jam shumë e kënqaur dhe krenare. Sipas shumë debateve që janë bërë në ambientet e sallës së Festivalit, Rusia kishte derdhur
për këtë festival 1 milion euro. Promovimi i këngës ruse ishte bërë në gjithë
televizionet europiane përpara konkurrimit në disa gjuhë. Pra, ne kaluam në
finale duke lënë mbrapa shumë vende që kishin bërë shumë publicitet. Bjellorusia
që kishte bërë një punë përgatitore të fuqishme (si dhe Rusia) që kishte
shpërndarë me mijëra CD dhe DVD nuk hyri në finale. Prandaj unë jam shumë e
kënaqur me vendin e 17 (e ndarë 16 dhe 17 me Spanjën).



Ju kishit dhe
një veshje interesante ndryshe nga të tjerët…

(Më
ndërpret)..Ishte një zgjedhje prefekte sipas meje. E zezë dhe e bardhë që ishte
në funksion të këngës, tekstit të saj. Ishte një kombinim i modernes me
tradicionalen. Ishte një gërshetim unik në funksion të së tërës. Unë mendoj se
veshja ishte e gjetur artistikisht, pavarësisht se shijet e njerëzve janë të
ndryshme. Ishte në harmoni me këngën. U ndjeva mirë me atë veshje.

Ju cila këngë ju pëlqeu më shumë

Më pëlqeu kënga e Izraelit. Kishte një forcë që të emociononte.


A e meritonte
Rusia sipas jush vendin e parë?

Nuk mund të jap vlerësim të saktë. Por do të doja që Izraeli të zinte një vend më të
mirë.

Kënga juaj kur
fituat vend të parë në Festivalin në RTSH pati shumë debate. Diskutimi bëhej
pasi ishte një baladë

(Me ngut). Po.
Po.Po. E mbaj mend mirë. Tani mund të pyes unë. Ç’do të thonë mediat apo
kritikët shqiptarë tani që një baladë (ajo ruse) zuri vend të parë?



Si e kujtoni
natën finale?


Si eksperiencën më të bukur të jetës. Si momentin që ndoshta nuk do të përsëdytet. Momenti kur spikeri shqiptoi emrin tim për në finale, isha gati të fluturoja nga gëzimi. Më
dukej vetja si Shqiponja në flamurin shqiptar. Që edhe unë kisha bërë diçka
modeste për emrin e vendit tim. S’ka më krenari më të madhe që të përfaqësosh
vendin tënd kur sytë e miliona shikuesve janë mbërthyer në ekran dhe të
përmendet emri i Shqipërisë.

Kush ishin të veçantat e këtij Festivali sipas jush?

Nga shumë komente të shtypit vendas mësova se ishin dy rekorde. Unë isha këngëtarja më e vogël e të gjitha festivaleve, ndërsa më e moshuara ishte këngëtarja 70- vjeçare nga
Kroacia.



Kthimi juaj…

(Më ndërpret).
Ishte akoma më emocionues. Ishin njerëz të thjeshtë, miqtë e mi, shokët, shoqet,
të afërmit. Më mbushën me buqeta me lule. Në aeroport u prishën rregullat
policore. Flamuj dhe lule dhe shumë bluza me portretin tim. Për shumë momente
nuk e dija ku isha. Të gjithë këndonin këngën time. Unë bashkë me ta. Momente të
papërsëritshme. U trajtova dhe u prita si princeshë e vërtetë. Me
këtë rast dua të përshëndes kompozitorin e këngës Adi Hila kompozitorin Pandi
Laço dhe Drejtorin e RTSH-së. Ata ishin pjesa kryesore e suksesit tim.


Si e ndjeve veten kur mësove këtë



Me fat. Të privilegjuar. Në këtë moment na merr në telefon dhe Kryeministri Shqipërisë me bashkëshorten e tij, të cilët na uruan për fitoren. Më vonë më thanë se në
Tiranë u prit me fishekzjarre ky moment.


A ZHoli.

Olta Boka shume mire. me pelqen Olta kengen. shume mire