Qytetarët e Prishtinës ankohen për mungesë të çerdheve

Mungesa e lokacionit për ndërtim të institucioneve parashkollore (çerdheve) ka bërë që sivjet mos të shtohen kapacitetet e tyre. Ndërkaq, nga viti në vit, kërkesat e prindërve për t’i regjistruar fëmijët e tyre në këto institucione janë më të mëdha. Funksionimi i çerdheve me numër më të madh të fëmijëve sesa është e paraparë dhe kushtet në to nuk janë të mira. Për një gjë të tillë kanë ankesa edhe prindërit e fëmijëve, e në disa raste ata janë detyruar që t’i tërheqin fëmijët e tyre nga to. Mirëpo, një fakt të tillë nuk e kanë pranuar drejtuesit e çerdheve. Zyrtarë të KK të Prishtinës kanë bërë të ditur që aktualisht në Prishtinë janë tetë institucione parashkollore publike si dhe rreth shtatë private. “Sivjet është në plan ndërtimi i dy institucioneve të reja parashkollore. Ne jemi të vetëdijshëm që kapacitetet ekzistuese të çerdheve janë të vogla në krahasim me kërkesat e fëmijëve.

Ndërtohen
dy objekte të reja
Mirëpo, arsyeja e mosndërtimit të çerdheve deri më tani është mungesa e lokacionit. DKA-ja është duke bërë përpjekje që të gjejë lokacion për ndërtim të institucioneve parashkollore. ‘’Në projekt është e paraparë që sivjet të fillojë ndërtimi i dy objekteve të tilla, njëri në lagjen ‘Arbëria’ dhe tjetri në ‘Kodrën e Trimave’’’, ka thënë Refik Beqiri, shef i arsimit në KK të Prishtinës.
Ai nuk ka përjashtuar mundësinë që të ketë ankesa të prindërve, por ato nuk kanë ardhur në drejtorinë përkatëse.
Megjithatë, sa u përket kushteve që ofrojnë institucionet parashkollore publike në vend Beqiri tha se Inspektorati Sanitar, gjatë vizitave që u ka bërë këtyre institucioneve, ka pasur vërejtje. “Në dy institucione parashkollore Inspektorati Sanitar ka pasur vërejtje dhe ne ndaj tyre kemi marrë masa“, ka thënë ai.
V. REXHA

Eshte e vertet qe ne Prishtine na mungojne Çerdhet shume , dhe pershkak te mungeses se çerdheve detyrohesh te mos punosh po t'i rrisesh femijet vet, se po pate dy femije binjak s'ti pranojn' fare, dhe duhet te rrish ne shtepi e te kujdesesh vet per femjet e ta lësh vendin e punes per dike tjeter.