Supergjyshja i rreh hajdutat me çantë

Një bandë e burrave të armatosur me çekiçë provoi të plaçkiste në një dyqan të Rolexit në Northampton të Anglisë, por supergjyshja i përzuri të gjithë duke i rrahur me çantë.

Gjashtë burrat me helmeta në kokë provuan ta vidhnin dhe të merrnin gjërat me vlerë nga raftet e dyqanit të Rolexit dhe derisa personeli i frikësuar nuk dinte si të reagonte dhe me panik vraponin nëpër dyqan, duke u përpjekur t’i lëshonin roletat e vitrinave, nga këndi doli gjyshja dhe me çantë filloi t’i rrihte hajnat.

Kriminelët filluan të iknin, por pa sukses, dy prej tyre u rrotulluan me skuter dhe shpejt u arrestuan.

Gazeta britanike Daily Telegraph shkruan se janë arrestuar katër persona të moshës prej 18, 22, 25 dhe 39 vjeç. Policia ende është në kërkim edhe të dy personave tjerë.

Çifti martohet midis 300 mijë protestuesve
Kajro, 7 shkurt - Ahmed Zaafan dhe Ola Abdel Hamid patën dasmën më të madhe që është bërë ndonjëherë. Në fakt, në dasmën e tyre ishin prezent rreth 300 mijë protestues. Për fat, nuk brengoseshin se ku do t’i vendosnin. Çifti u martua gjatë protestave në Kajro, dhe atë në Sheshin Tahrir.
Çifti kishte kampuar vullnetarisht për dhjetë ditë në Sheshin Tahrir, si dhe shumica e egjiptianëve, që po protestojnë kundër presidentit Hosni Mubarak.
Siç deklaroi Zaafan për agjencinë Reuters, i cili është farmacist me profesion, ata mund të zgjidhnin: ose të lënë miqtë, të largohen nga sheshi dhe të bëjnë dasmën në ndonjë sallë larg zhurmës së protestuesve, ose të qëndrojnë me miqtë e bashkëmendimtarët dhe të festojnë një nga ditët më të lumtura të jetës.
“Zgjodhëm opsionin e dytë. Këta protestues tani janë familja jonë. Kemi qeshur, qarë e protestuar në ditët e fundit. Ola dhe unë dëshirojmë të ndajmë lumturinë me të gjithë miqtë tanë”, deklaroi Zaafan.

Vritet nga gjeli gjatë dyluftimit
Kaliforni, 8 shkurt - Një njeri, i cili mori pjesë në një luftim të paligjshëm të gjelave, vdiq pasi u godit në këmbë nga një gjel, që kishte të lidhur një thikë.
Jose Luis Ochoa (35) nga Lamont në Kaliforni u shpall i vdekur në një spital rreth dy orë pasi u plagos më 30 janar, transmetojnë mediet britanike.
Autopsia përfundoi se Ochoa vdiq nga një “lëndim i mprehtë” aksidental në pulpën e këmbës.
Ochoa dhe spektatorët e tjerë u larguan para se autoritetet të arrijnë në skenën e dyluftimit të gjelave.
Policia gjeti pesë gjela të vdekur dhe dëshmi të tjera për dyluftimin e gjeleve në atë vend.

Ishull vetëm për biondet në Maldive
Maldive, 7 shkurt - Një kompani lituaneze, ka në program të ndërtojë në Maldive një “Luxury Resort” drejtuar tërësisht nga femra bionde.
Ideja e çuditshme e kompanisë do të ndërtohet mbi një atol të Maldive në formën e një këpuce me takë.
Njoftimi është bërë nga udhëheqësit e Olialia, një kompani lituaneze që punon prej disa kohësh edhe në fushën e turizmit.
Këto ditë kompania ka paraqitur një projekt të vërtetë unik: të ndërtojë një vendpushimi të madh luksoz në një nga 1200 ishujt e vegjël të Oqeanit Indian e që do të jetë i populluar vetëm me femra bionde, transmeton NOA.
Një nga qëllimet e kësaj nisme, thonë ata, është për të sfiduar klishenë se biondet janë më pak të mençura dhe të demonstrojmë se si një zinxhir i madh biznesi që do të drejtohet vetëm nga biondet mund të ketë një sukses të madh.
Megjithatë, jo të gjithë e kanë mirëpritur këtë iniciativë. Më kritike duket se janë femrat që jetojnë në arkipelag, e cila është me shumicë myslimane. Këta të fundit akuzojnë shoqërinë lituaneze se ka krijuar një projekt racist që është në kundërshtim dhe me ligjet lokale (një marrëveshje në mes të ndërmarrjeve shtetërore obligon në fakt investitorët që të kenë një staf prej me të paktën 50% rezidentë në Maldive.
Problemi është se në Maldive shumë pak vajza janë bionde.
Përveç kësaj, ligjet evropiane ndalojnë rekrutimin e stafit bazuar në pamjen e tyre fizike.
Është e paqartë sesi ky ishull do të krijohet, por Olialia siguron që të gjitha projektet dhe lejet janë gati. Projekti përfshin jo vetëm një resort turistik, por një qytet të vërtetë me flokëverdha.
“Ishulli i biondeve do të jetë gati në fillim të vitit 2015 dhe do të jetë Parajsa në Tokë” – thotë drejtori i projektit, Giedre Pukiene.
Në ishull do të ndërtohen jo vetëm hotele, por edhe qendra relaksi, piceri, vende për argëtim dhe për sport. Do të ketë dhe një qendër të quajtur Pretty Women për të mësuar të ftuarit se si të duken më të bukur dhe të përsosur.
Në “Ishullin e biondeve” mund të shkohet me aeroplan ose me anije.
Organizatorët kanë menduar të krijojnë një shërbim të veçantë për fluturimet dhe drejtimin e jahteve, ku pilotët dhe komandantët do të jenë femra flokëverdha.
Ndërkohë qeveria Maldive mohon të ketë marrë ndonjëherë një propozim të tillë.

interesante, e bukur eshte bota sikur mos te egzistonte politika!

vertete interesante