Turpërohet, hajduti kërkon dëmshpërblim

Kur e kapi duke vjedhur 845 stërlina, punëmarrësin e tij, punëdhënësi,
Simon Kremer mendoi mirë të mos lajmëronte policinë, por ta turpëronte
atë duke e detyruar të kalonte qytezën e Uajtam në Angli me një tabelë
të varur në qafë ku shkruhej, “jam një hajdut”, por… Sot Simon Kremer,
viktima e vjedhjes së 845 stërlinave, rrezikon të paguajë shumë
shtrenjtë gjetjen e tij për të turpëruar hajdutin. Në fakt hajduti, Mark
Gilbert e ka paditur atë për poshtërim dhe e fajëson atë se që prej dy
vjetësh nuk arrin të gjejë më punë, pikërisht nga ai kalimi me tabelën
“jam një hajdut”, në mes të qytezës. Kremer u akuzua për rrëmbim
personi, por gjykata e rrëzoi këtë akuzë dhe e mbylli dosjen penale të
saj, por jo atë civile, pasi hajduti ka kërkuar si dëmshpërblim për
cënimin e dinjitetit të tij plot 90 mijë stërlina. Vetë Kremer pohon se
ka vetëm 2 javë kohë që të paraqesë mbrojtjen e tij para gjykatës,
ndërkohë që i vëllai i tij ka nisur një fushatë sensibilizuese në
Facebook për të mbledhur fonde për vëllain në telash

eh po ketu behet fjale per personalitetin e njeriut,hajni eshte hajn,ai edhe kur nxinet ne kete akt te akuzon,ceshtje e dobet morale,nga e cila do te vuan kapesi i hajnit,ai eshte dashur ligjerisht te veproj me te,te e lajmeroi ne polici.