Aktorja Arta Dobroshi në Kanë me filmin “Heshtja e Lornës”

Fituesit e dyfishtë të Festivalit të Kanës, vëllezërit Zhan Luk dhe Pierre Dardene po konkurrojnë edhe një herë për çmimin më të lartë të kinematografisë botërore. Këtë herë ata paraqiten me filmin “ Heshtja e Lornës”, ku në rolin kryesor paraqitet aktorja kosovare Arta DobroshiFilmi i regjisorëve të njohur Zhan Luk dhe Pierre Dardene, Heshtja e Lornës u shfaq në festivalin e Kanës të hënën. Aktorja kosovare Arta Dobroshi në këtë film luan rolin e Lornës, një vajzë shqiptare e cila është martuar me një përdorues droge në mënyrë që të fitojë leje qëndrimi në Belgjikë, por në të njejtën kohë premton të martohet me një bos të mafias ruse për të fituar para që të mundet të fillojë biznesin e vet.
Por këtu fillon edhe i tërë komplikimi i ngjarjes. Kur divorci vështirësohet, ata që dëshirojnë që ajo të martohet me bosin e mafias ruse i kërkojnë që ta vrasë të shoqin me mbidozë droge. Pyetja është se a do ta pengonte Lornën ndërgjegja e saj ta bëjë një gjë të tillë.
E veshur vazhdimisht me pantallona të kuqe dhe me flokë të shkurtra karakteri i aktores paraqet shkëlqyeshëm dilemën me të cilën ajo ballafaqohet. Filmi është pritur mjaft mirë nga publiku dhe roli i një aktoreje nga Kosova nuk ka kaluar pa vëmendje. Arta Dobroshi është aktorja e parë shqiptare që merr pjesë në festivalin prestigjioz të filmit në Kanë. Ajo doli në skenë si një aktore premtuese me filmin “Syri Magjik” të regjisorit Kujtim Çashku.
Filmi “ Heshtja e Lornës” i hap asaj një rrugë të re në botën e filmit.
Në këtë film ajo luan pranë aktorëve Xheremi Renier dhe Fabrizio Ronxhone. “Heshtja e Lornës” konkurron ndër 19 filmat për çmimin “Palma e Artë

Aktorja e njohur kosovare Arta Dobroshi, ka vlerësuar të premten si shumë të rëndësishme pjesëmarrjen e saj në festivalin e 61-të të filmit në Kanë. Dobroshi, e nominuar për aktoren më të mirë të filmit “Heshtja e Lornës” në këtë festival të njohur ndërkombëtar, tha se primare është shfaqja e premierës së filmit, i cili do të bëhet më 10 shtator, ndërkohë që ka premtuar se ky film do të shfaqet sivjet edhe në Kosovë.

“Filmi është pritur shumë mirë dhe ka pasur aq shumë publicitet dhe vetëm pjesëmarrja mendoj që është fitore. Kam qenë tepër e gëzuar që kemi marrë pjesë me këtë film”, tha Arta Dobroshi të premten gjatë një konferencë për media.

Ajo bëri të ditur se premiera e filmit është më 10 shtator dhe premtoi se premiera e këtij filmi do të shfaqet edhe në Kosovë, edhe nuk është e sigurt se kur do të bëhet një gjë e tillë, por që sipas saj do të jetë brenda këtij viti.

Dobroshi tha se për të luajtur personazhin e filmit “Heshtja e Lornës”, i është dashur që të mësojë gjuhën frënge, për çka ka ndjekur një kurs intensive dy javor dhe më pas ka pasur prova një muaj e gjysmë.

“Një element i rëndësishëm është se 10 për qind e filmit flitet në gjuhën shqipe. Në disa skena Lorna e ka një të dashur i cili e ka emrin Sokol dhe skenat me Sokolin brenda filmit janë në gjuhën shqipe. Përndryshe, filmi është në gjuhë frënge dhe pak në gjuhën italiane”, ka sqaruar aktorja e njohur kosovare.

Dobroshi gjatë konferencës tregoi edhe për tre filma që i ka punuar në Shqipëri, ndërsa shprehur dëshirën që të punojë edhe në Kosovë.

Ajo falënderoi të gjithë ata që i ndihmuan për suksesin e saj. Aktorja Arta Dobroshi ka marrë pjesë në Festivalin e 61-të Filmit në Kanë. Atje ajo qe paraqitur mbi qilimin e kuq të Kanës e veshur me një fustan të zi, dhe me një buzëqeshje të veçantë e shoqëruar me ekipin e filmit “Heshtja e Lornës”.

Dobroshi luan protagonisten në filmin e vëllezërve belgë Jean Pierre dhe Luc Dardenne, i cili në Kanë u nderua me shpërblimin për skenarin më të mirë. Dobroshi është aktorja e parë kosovare e cila hyri në konkurrencë për shpërblim si aktorja më e mirë e Festivalit të Kanë