Bill Gejts

Miliarderi amerikan dhe themeluesi i "Majkrosoft"-it Bill Gejts, i cili prej vitit të kaluar tërësisht iu përkushtua punës humanitare, lëshoi një zgjua mushkonjash te pjesëmarrësit e konferencës për malarien, e cila paradokohe u mbajt në Kaliforni.
Sipas internet faqes "Silikon Ali Insajder" Gejts në takimin ka folur për parandalimin e malaries, për të cilin qëllim fondacioni i tij deri tani ka dhuruar shumë milionë dollarë. Duke e arsyetuar gjestin e tij, Gejts tha se njerëzit duhet të jenë të vetëdijshëm për ndikimin e gjerë të malaries dhe sëmundjeve tjera, të cilat i transmetojnë mushkonjat.

"Solla mushkonja, do t'i lëshoj të fluturojnë nëpër sallë. Nuk ka arsye vetëm të varfërit të sëmuren nga malaria", u tha Gejts pjesëmarrësve të shokuar në konferencë, por menjëherë pas kësaj i informoi se insektet nuk bartin malarie.

Gejts pastas edhe njëherë e tregoi kuptimin e tij për humor, duke i kritikuar vendet, të cilat nuk parashtrojnë prioritete të vërteta në hulumtimet mjekësore.

"Shumë para harxhohen për gjetjen e ilaçit kundër rënies së flokëve sesa për parandalimin e malaries. Rënia e flokëve është punë e tmerrshme për shkak se ndikon edhe te të pasurit. Prandaj edhe është vendosur si prioritet", tha Gejts.
Albeu

Historia e Bill Geits është një histori suksesi, që nga fillimet e saj. Gjithçka ka nisur me krijimin e programit të parë të kompjuterit prej tij, një sistem oraresh për shkollën ku studionte, në moshën 17-vjeçare, gjë që i solli atij 4200 dollarë fitim. Më pas, pavarësisht nga fakti se kompania që do të themelonte më shumë dëshirë rritej me hapa të shpejtë, ai nuk u largua asnjëherë nga puna me kompjuterat dhe vazhdoi të përmirësonte dhe modifikonte programet kompjuterike, pasionin e hershëm të tij.
Geits lindi më 28 tetor, 1955, në Siatëll. Babai i tij ishte avokat dhe nëna mësuese. Ai nisi të mësonte për kompjuterat në moshën 13-vjeçare në shkollën e qytetit "Lakeside". Pikërisht këtu u takua me Paul Allen, njeriun me të cilin do të ndante pasionin për kompjuterat dhe do të krijonte më pas edhe kompaninë gjigande. Gjatë kohës së studimit në Harvard, të dy shokët nisën të përgatisnin programin e parë të gjuhëve për një kompjuter personal. Kompania e kompjuterave, "MITS", e pëlqeu punën e tyre dhe menjëherë pas këtij suksesi të parë ata vendosën të themelojnë "Microsoft"-in në vitin 1975.
Një vit më pas, Geits u largua nga Harvardi, sapo e kuptoi se mundësitë për kompaninë e themeluar prej tij dhe Paul Allen ishin të shkëlqyera. Por, kthesa më e madhe erdhi në vitin 1980 kur me një marrëveshje, ai mori përsipër të krijonte programin MS-DOS për kompjuterin e ri personal të IBM-së. Me anë të një kontrate të majme, Microsoft u lejua t'ia jepte sistemin operativ prodhuesve të tjerë, duke i hapur rrugë një industrie të re kreative me kompjuterat personale të "IBM", që tashmë do të operonte me sistemin "Microsoft". Kjo i solli shumë të ardhura dhe kompania në vitin 1986 arriti të arkëtonte 61 milionë dolarë. Tashmë multimionner, Allen u tërhoq nga fronti i biznesit me programet kompjuterike. Por, Geits vazhdoi të luante një rol shumë të rëndësishëm në rritjen e të ardhurave të kompanisë. Megjithatë, jo gjithnjë gjykimi i tij ka qenë i përsosur. Ndërsa shitjet dhe fitimet nisën të rriteshin me shpejtësi në vitet '90, u vu re se ai i kishte nënvleftësuar në një farë mënyre mundësitë dhe shtimin e programeve të internetit. Jashtë "Microsoft"-it ai ka interesa në kompani bioteknologjike si "Icos Corporation" apo "Darëin Molecular".
Geits themeloi edhe "Corbis Corporation", që ruan dhe zhvillon një arkivë dixhitale të veprave artistike dhe fotografive nga koleksionet publike dhe private në të gjithë botën. Librat e tij "Rruga drejt biznesit dhe shpejtësia e mendimit" kanë qenë për një kohë të gjatë në listat e më të shiturve. Ai u takua me gruan e tij të ardhshëm, Melindën, në vitin 1987 në një konferencë shtypi të "Microsoft"-it në Manhattan. Ajo punonte për kompaninë dhe më pas u bë një ndër drejtueset e saj. Të dy u martuan ditën e vitit të ri më 1994-ën. Çifti më i pasur në botë ka tre fëmijë, Jennifer Katharine, Rory John dhe Phoebe Adele, të tre të angazhuar në kompaninë e të atit. Çifti Geits është një ndër ata çifte që akordojnë më shumë fonde për qëllime bamirësie si dhe për zhvillimin e arsimit dhe shëndetësisë në të gjithë botën.

Bill Gejts, bosi që fiton 250 dollarë në sekondë


Emri i vërtetë i Bill Gejtsit, që u bë i famshëm në të gjithë botën si një nga shembujt më të saktë se si mund të pasurohet një amerikan i shekullit të kaluar, është Uilliam Gejts III.

I dashur, apo i urryer, i vlerësuar apo i kritikuar për zgjedhjet e tij monopoliste, ai megjithatë ka krijuar një perandori të madhe ekonomike, e cila kishte nisur praktikisht nga hiçi. Gjithçka nisi kur së bashku me mikun e tij, Pol Alen, Billi themeloi kompaninë "Microsoft Corporation", prodhuesi kryesor i programeve të kompjuterëve, që në këtë moment mund të përcaktohet plotësisht si lideri i globit në këtë sektor. I lindur më 28 nëntor 1955, në Sijatëll, Billi u udhëhoq që i ri nga një pasion i madh për kompjuterin dhe për çdo të re të teknologjisë. Kur ishte vetëm 13-vjeç ai arrinte të shpikte programe kompjuterësh plotësisht të pavaruar e të rinj. I mbyllur dhe i vetëm ai kalonte ditë të tëra përpara kompjueterëve të vjetër, të cilët falë tij pësuan një zhvillim të jashtëzakonshëm dhe një lançim kolosal në treg. Sot Bill Gejts është njeriu më i pasur i botës, për çdo sekondë që kalon ai fiton 250 USD, një shifër marramendëse, teksa pasuria e tij kalon çdo lloj parashikimi dhe nuk njeh limite. Po kush është njeriu që fitoi miliarda dollarë, vetëm falë zhgjuarisë dhe "trurit të tij elektronik".

Fëmijëria dhe shkollimi
Uilliam Henri Gejts III lindi më 28 tetor 1955, në Sijatëll. Ai është bir i një familjeje me tradita në fusha të rëndësishme, si biznesi, politika apo shërbimet ndaj komunitetit. Që në vegjëli, Gejts shfaqi shenja zgjuarsie dhe ambicieje, të cilat e ndihmuan për t‘u ngjitur në majat e suksesit. Në shkollën fillore ai demonstroi dhunti të veçanta, sidomos në fushën e shkencave ekzakte. Prindërit e nuhatën inteligjencën e tij dhe vendosën ta dërgonin në "Lakeside", një shkollë private e njohur për nivelin akademik. Ky vendim do të ndikonte në jetëgjatësinë e arritjeve të Bill Gejtsit. Në këtë shkollë ai pati edhe kontaktet e para me kompjuterët. Në pranverë të vitit 1968 shkolla private e Lakesideit vendosi të prezantonte trupin mësimor me botën e kompjuterëve. Në atë kohë kompjuterët ishin shumë të mëdhenj dhe kushtonin shumë shtrenjt. Megjithatë, shkolla kishte një fond të majmë dhe kishte arritur të blinte një kompjuter DEC PDP-10, që zotërohej nga "General Eletric". Bill Gejts, Pol Alen dhe disa studentë të tjerë të kësaj shkolle, menjëherë u bënë të pandarë nga kompjuteri. Ata do të qëndronin në dhomën e kompjuterit gjatë gjithë ditës e natës, duke shkruar programe, duke lexuar literaturën e kompjuterëve për të mësuar çdo gjë që fliste rreth tyre. Por shumë shpejt Gejts dhe studentët e tjerë u gjetën mes problemeve me fakultetin, pasi duke qenë se ata qëndronin gjatë para kompjuterit, ranë nga mësimet dhe i bënin me vonesë detyrat, ngaqë ishin të papërqendruar në orët e mësimit. Në fund të vitit 1968 u hap në Sijatëll për shitje kompjuterash kompania "Computer Center Corporation". Ajo ofronte kompjuterë me çmime jo shumë të shtrenjta dhe një nga shefat e programeve që punonte për këtë korporatë kishte djalin e tij në të njëjtën shkollë me Bill Gejtsin. Gejts dhe shokët e tij filluan menjëherë të zbulonin përbërësit e aparaturës së re. Por edhe këtu nuk munguan problemet. Ata shkatonin shpeshherë ndërprerjen dhe bllokimin e sistemit të sigurisë së kompjuterëve. Po kështu, ata fshinë dosjet që përdoreshnin në kompjuterë dhe për këto veprime u ndëshkuan shpeshherë nga korporata.

Pasaporta

Emri: Bill Gejts
Datëlindja: 28 tetor 1955
Vendlindja: Sijatëll, SHBA
Shkollimi: Kolegji privat "Lakeside", Universiteti i Harvardit (i papërfunduar)
Gjendja civile: i martuar me Belinda Gejts,babai i tre fëmijëve
Pasuria totale: 46,6 miliardë dollarë
Vendbanimi: Medina, Uashington, SHBA
Biznesi: Aksioneri kryesor i kompanisë "Microsoft"
Aktiviteti bamirës: Fondacioni "Bill and Melinda Gates", për të cilin ka akorduar 24 miliardë dollarë

Parashikimi

Sipas faqes së internetit "Ora e Vdekjes", Billi do të vdesë të enjten, më 9 gusht të vitit 2029, në moshën 74-vjeçare. Nëse Billi do të fitojë para me të njëjtin ritëm, kur të vdesë ai do të ketë një pasuri totale prej 16,78 triliardë dollarësh, ose më saktë një pasuri të pabesueshme me 15 shifra si kjo: 16783355704594.



Vitet në Universitetin e Harvardit

Në fund të vitit 1973 Bill Gejts u largua nga shtëpia për të studiuar në Universitetin e Harvardit. Nuk kishte idenë se për çfarë do të studionte, kështu që fillimisht u regjistrua në një kurs parauniversitar për degën e jurisprudencës. Ai pati rezultate të shkëlqyera në këtë kurs, por mendja dhe zemra e tij nuk ishin te studimet, por te kompjuterët, në botën e të cilëve e zhyti përjetësisht veten. Gejts kalonte gjithë natën përpara kompjuterëve të shkollës dhe të nesërmen në klasë rrinte i përgjumur. Billi kishte kontakte të ngushta vetëm me mikun e tij Pol Alen, me të cilin diskutonte gjatë për projektet e ardhshme dhe mundësinë për hapjen e një biznesi të tyrin në fushën e kompjuterëve. Në përfundim të vitit të parë të studimeve në Havard, të dy miqtë vendosën të hapnin një kompani komjuterësh të, pasi e kishin studiuar dhe e kishin njohur më së miri botën e informatikës.

Shifrat

250 USD
është shuma që fiton në një sekondë të vetme Bill Gejts
20000 USD
ishte fitimi i parë që Bill Gejts siguroi nga kontrata me një kompani kompjuterash
232,9 milionë
USD ishte pasuria e tij në mars të vitit 1986, kur "Microsofti" operoi në treg
46,6 miliardë
USD është pasuria aktuale e Bill Gejtsit, njeriut më të pasur të botës
130,35 miliardë
USD do të ishte pasuria e tij nëse nuk do të ishte ligji "Antitrust"
60 %
është pasuria në raport me institucionin kryesor të rezervave të arit në SHBA
1,38 miliardë
USD në vit duhen shpenzuar brenda 21 vjetësh për të prishur gjithë pasurinë e Billit
16,78
USD mendohet të jetë pasuria e Bill Gejtsit në vitin 2029, kur ai do të jetë në moshën 74-vjeçare
24,4 miliardë
USD është shuma që shpenzon për bamirësi në fondacionin "Bill and Melinda"
Pasioni për kompjuterËt
Bill Gejts, Pol Alen dhe dy shokët e tyre nga "Lakeside" formuan "Lakeside Programmers Group" në fund të vitit 1968. Ata ishin të vendosur të gjenin një rrugë që do të bënte realitet idetë e tyre për kompjuterët. Mundësia e parë do të vinte nga veprimet e tyre të djallëzuara me kompjuterin e shkollës. "Computer Center Corporation" kishte filluar të haste shumë probleme, për shkak të sistemit të dobët të sigurisë dhe rënies së frekuencave. Të çuditur nga ndërhyrjet që Gejtsi dhe shokët e tij i kishin bërë kompjuterit të shkollës përgjegjësit e "Computer Center Corporation" vendosën t‘i merrnin në punë studentët për të gjetur viruset, si dhe për të ekspozuar dobësinë e sistemit mbrojtës të kompjuterit të tyre. Si shkëmbim kjo kompani do t‘i jepte grupit të krijuar nga Gejts të drejtën për të punuar pa kufi para kompjuterëve. Djemtë nuk mund të refuzonin, ndërsa Gejts do të thoshte: "Kur ne fituam këtë të drejtë, u futëm plotësisht në botën e kompjuterit. Dhe punuam më fort se më parë. Për çdo ditë e çdo natë".

"Computer Center Corporation" filloi të kishte probleme financiare aty nga fundi i vitit 1969. Kjo kompani falimentoi në mars të vitit 1970, kështu që Bill Gejtsit, së bashku me miqtë e tij, iu desh të gjejë një rrugë tjetër për t‘u marrë me kompjuterët. Ata arritën të gjenin disa kompjuterë në Universitetin e Uashingtonit, në të cilin punonte babai i Polit. "Lakeside Programmers Group", siç quhej grupi i formuar nga Gejts dhe miqtë e tij, nisi të kërkojë shanse të reja për të zbatuar idetë kreut të tij në botën e kompjuterëve. Mundësia e parë erdhi kur Instituti i Shkencës së Informatikës i punësoi për shpikjen e një programi. Edhe një herë tjetër grupit iu dhanë pesë kompjuterë, të cilët mund t‘i shfrytëzonte gjatë gjithë kohës. Instituti gjithashtu kishte rënë dakord për pagesën e tyre, kështu që falë kësaj marrëveshjeje, grupi i krijuar nga Gejts u shndërrua në një biznes të ligjshëm.
Gejts dhe miku i tij, Pol Alen, u përfshinë edhe në një tjetër projekt për komapaninë "Traf-O-Data", për prodhimin e kompjuterëve me përmasa të vogla, nga ku fituan dhe 20 mijë dollarët e parë. Që nga ky moment Gejts jo vetëm që do të bënte realitet idetë e tij, por do t‘i përdorte ato për të fituar para.

Lindja e "Microsoft"-it
Karriera e njeriut më të pasur të botës fillon në vitin 1975, kur në Shtetet e Bashkuara të Amerikës informatika filloi të shfaqej në qendrat univeristare. Në numrin e janarit të revistës ""Popular Electronics" e shpërndarë në gjysmë milioni lexues të apasionuar dhe të abonuar në këtë revistë, shfaqet Altair 8800, kompjuteri i parë personal amerikan, aparati rreth të cilit lindi edhe brezi i dytë i hardëve, që penetruan brenda sekreteve të Altair-it për të kuptuar funksionimin e çdo qarku tek.

Aleni po i bënte një vizitë Billit kur përgjatë rrugës ai ndaloi për të blerë këtë revistë, e cila ndryshoi jetën e tij dhe të Billit. Në faqen e parë të "Popular Electronics" ishte një foto me pamjen e një kompjuteri Altair 8080, ndërsa titulli kryesor ishte "Mikrokompjuteri i parë në botë, që do të shpërthejë sektorin komercial". Ai e bleu menjëherë revistën dhe shkoi të takojë Billin. Kur e lexuan këtë revistë, të dy miqtë e kuptuan se u kishte ardhur një shans i mirë që duhet ta shfrytëzonin. Ata kuptuan se tregu i kompjuterëve kishte premisa për të lulëzuar, dhe se për këtë nevojitej dikush (që ishin ata) për të bërë programe software brenda këtyre aparaturave. Brenda pak ditëve Billi arriti të kontaktonte me kompaninë "Micro Instrumentation and Telemetry Systems", e cila kishte prodhuar kompjuterët Altair. Ai i tha kësaj kompanie se kishte zbuluar programin Basic, i cili do të përdorej në kompjuterët Altair. Në fakt, kjo ishte një gënjeshtër, sepse të dy miqtë nuk kishin asgjë të gatshme, e, megjithatë, ata iu futën intensivisht punës për të arritur atë çka kishin zotëruar.
Të dy miqtë punuan me programe të ndryshme dhe arritën të siguronin programet që kishin premtuar, të cilat funksionuan në mënyrë perfekte. Kjo bëri që kompania MITS të lidhte një kontratë me ta dhe t‘u blinte të drejtat për atë çka mund të quhej ekskluziviteti i Basic-ut. Tashmë Gejtsi ishte i bindur se kishte lindur tregu i programeve software të kompjuterëve, kështu që brenda vitit ai e braktisi Universitetin e Harvardit, për t‘iu dedikuar plotësisht biznesit të ri dhe kompanisë që ai do të formonte, "Microsoft"-it, të cilit i kushtohen të gjitha energjitë e Bill Gejtsit. Motoja që udhëhoqi Microsoft-in ishte se kompjuterët personalë do të bëheshin në të ardhmen mjete joutopike dhe do të ishin të pranishëm në çdo tavolinë zyre apo shtëpi.



Ka thënë Bill Gejts

Më vjen keq që kemi të bëjmë me prezencën e Uashingtonit. Ne lulëzuam gjatë këtyre 16 viteve pa ndikimin e tij. Unë kurrë nuk kam vizituar apo takuar zyrtarë të lartë të Uashingtonit, ne nuk kemi pasur njeri atje, sikundër edhe qeveria amerikane. Selia e qeverisë amerikane nuk ka qenë kurrë radari apo fanari i rrugës sonë. Ne thjesht kemi qenë duke e kërkuar suksesin në kompaninë tonë.
Ka njerëz që nuk e pëlqejnë kapitalizimin dhe njerëz që nuk i pëlqejnë kompjuterët. Por nuk ka asnjë njeri që i pëlqen kompjuterët pa "Microsoft"-in.
Në kompaninë "Microsoft" ka shumë ide brilante, por është krijuar përshtypja se çdo e tillë vjen nga kreu i saj. Kam frikë se kjo nuk është plotësisht e saktë.
Po ju them se në dekadën e ardhshme ne do t‘i përsosim produktet tona dy herë më shumë se në fillim të viteve ‘90.
Thjesht në kuptimin e shpërndarjes së kohës, besimi nuk të hyn shumë në punë. Mendoj se njeriu ka shumë gjëra për të bërë mëngjesin e së dielës përpara se të shkojë në kishë.
Suksesi është një mësim humbës. Ai i josh njerëzit e zgjuar të mendojnë se kurrë nuk kanë për të humbur.
Shpesheherë duhet t‘i besosh intuitës.
Është mirë të festosh suksesin, por është më e rëndësishme të mësosh nga dështimi.


Pasuria e Gejtsit dhe SHBA-ja

Gjatë vitit fiskal 2003 qeveria amerikane grumbulloi nga taskat një shumë prej 15352 miliardë dollarësh, ndërsa pasuria e Bill Gejts zë 18,83 % të kësaj vlere. Në vitin 2000 Xhorxh. W.Bush fitoi zgjedhjet presidenciale me një total prej 50456062 votash. Nëse Billi do t‘i blinte këto vota plus një më shumë do të paguante 57298 dollarë për secilin votues dhe do të kishte mundësinë të bëhej president. Buxheti i NASA-s kishte në total për vitin 2003 një buxhet prej 1512 miliardë dollarësh. Falë pasurisë së tij, Billi do të mundte të financonte i vetëm për dy vjet këtë sektor kaq të rëndësishëm.

Statistika

Numri i përafërt i banorëve të globit është 6,4 miliardë njerëz. Nëse ai do të vendoste t‘ua shpërndante njerëzve pasurinë e tij kjo do të thotë se Billi do t‘i jepte 4,51 dollarë çdo banori të planetit. Dhe pavarësisht kësaj do të kishte edhe 35 milionë e 797 mijë e 916 dollarë që do t‘i mbeteshin. Popullsia e Shteteve të Bashkuara të Amerikës për vitin 2004 është përafërsisht 29483 milionë banorë. Nëse Billi do të vendoste t‘ua shpërndante gjithë pasurinë bashkatdhetarëve të tij, ai do të ishte në gjëndje t‘i jepte çdo personi në SHBA 98 dollarë. Lagjia "Rose Bowl" në Pasadena, Kaliforni, ka 100 mijë e 92 banorë. Nëse Billi do të vendoste t‘ua shpërndante pasurinë e tij këtyre banorëve, ata do të përfitonin nga 288,839 USD secili.



Pasuri e pashtershme

Le të themi se ju doni të shpenzoni çdo qindarkë të parave të Billit, dhe vendosni një limit kohor prej 21 vjetësh.
Ja dhe shifrat që do t‘ju duhet të harxhoni për ta shterrur pasurinë e tij

Në vit do t‘ju duhet të shpenzoni 1,38 miliardë dollarë
Në muaj 114,72 milionë dollarë
Në javë 26,38 milionë dollarë
Në ditë 3,77 milionë dollarë
Në minutë 2,6 mijë dollarë
Në sekondë 43 dollarë