Marigona Dragusha shoqëruesja e 2 e Miss Universe

Bukuroshja nga Kosova, Marigona Dragusha, ka përfaqësuar denjësisht vendin tonë në garën e bukurisë Miss Universe,të zhvilluar në Bahame, duke qenë konkurrentja e dytë më e fortë për fituesen, Miss Venezuelën, në garën për më të bukurën e universit.

Miss Venezuela, Stefania Fernandez, ka dalë fituese për titullin e më të bukurës në edicion të 58-të të Miss Universe, që u mbajt të dielën mbrëma në Atlantis, Paradise Island në Bahame.

Vitin e kaluar fituese ishte bukuroshja tjetër nga Venezuela, Dayana Mendoza dhe kjo është hera e parë në historinë që një vend fiton dy herë radhazi këtë garë. Numri i bukurosheve nga ky vend që kanë fituar këtë garë, tash arrin numrin gjashtë.

Fernandez është zgjedhur në mesin e 83 pjsemarreseve, ndërsa shoqeruesja e parë e saj ka dalë Miss Republika
Dominikane, Ada Aimee de la Cruz, dhe e dyta, bukuroshja nga Kosova,Marigona Dragusha. Në mesin e pesë më të mirave kanë qenë edhe Miss Australia dhe Miss Puerto Rico.

Në skenën e kësaj ngjarje, që organizohet nga miliarderi amerikan Donald Trump, performuan edhe yje
si Flo Rida, Heidi Montag, David Guetta dhe Kelly Rowland.

Shoqëruesja e dytë e Miss Universe 2009, kosovarja Marigona Dragusha, në një intervistë të
dhënë pas suksesit të fundit, ka thënë se ajo shpreson të vazhdojë më me seriozitet karrierën e saj si modele, kësaj here në New York, duke iu bashkuar agjencisë së modeleve të Donald Trump, “Trump Models
Menagement”.

“Jam shumë e lumtur, është privilegji më i madh që më është bërë ndonjëherë”, ka thënë Dragusha në intervistën e mbrëmshme për Zërin e Amerikës në gjuhën shqipe, duke shprehur ngazëllimin e saj në suksesin në Miss Universe.

“Gjithsesi do të vazhdoj të punoj si modele, shpresoj të siguroj ndonjë kontratë në New York. Donald Trump (organizatori i Miss Universe), më ka sugjeruar t’i bashkohem agjencisë së tij, andaj do të pranoj”, ka
shtuar bukuroshja nga Prishtina.

Marigona po ashtu ka falënderuar fotografin e njohur Fadil Berisha për ndihmën në arritjen e këtij suksesi.

MARIGONA DRAGUSHA, bukuroshja shqiptare, e treta në “Miss Universe 2009”


Miss Venezuela merr kurorën e spektaklit prestigjoz që u zhvillua në Bahamas

Një sukses tjetër ndërkombëtar shënohet për bukurinë shqiptare, e në veçanti, atë të Kosovës, gjatë mbylljes së spektaklit më të famshëm të bukurisë botërore siç është “Miss Universe” e miliarderit Donald Trump.
Edicioni i 58-të që është mbyllur të dielën në mbrëmje në ishujt Bahamas, kurorëzoi si më të bukurën “Miss Venezuelën”, 18-vjeçaren Stefania Fernandez, me origjinë ruse, polake, galeze dhe ukrainase.
Është i dyti vit me radhë që Venezuela fiton këtë spektakël bukurie, ndërkohë që shoqëruesja e parë e “Miss Universe 2009” u zgjodh Ada de la Kruz, 23 vjeçarja nga Republika Domenikane dhe shoqëruese e dytë u zgjodh Marigona Dragusha, 18 vjeçarja nga Kosova.
Në garë ishin 83 bukuroshe që përfaqësonin shtete të ndryshme të botës të cilat aderojnë në këtë garë ndërkombëtare. Mediat e huaja përmendin faktin se Polonia,Rusia dhe Ukraina, të njohura për bukurinë e tyre femërore, dështuan kësaj here duke mos u futur në fazën finale, në të cilën kaluan vetëm 15 bukuroshe. Me çmime të tjera u vlerësuan edhe bukuroshja nga Kina,Uang Jingyao, “Miss Simpatia” dhe bukuroshja tajlandeze, Kutima Durongdej “Miss Fotozhenia”.
Vendi latino-amerikan prej 20 milionë njerëzish për të dytën herë me radhë bëhet kryeqyteti botëror i bukurisë. Venezuela deri më sot ka qenë pesë herë fituese e “Miss Universe” dhe pesë herë fituese e “Miss World”. Edicioni i parë i “Miss Universe” u zhvillua më 28 qershor 1952 në Long Beach të Kalifornisë (ShBA). Fituese u shpall 18 vjeçarja Armi Kusela nga Finlanda, e cila u kurorëzua nga aktorja Piper Laurie.