Keshilla mbi gjumin

Sa orë gjumë iu nevojitet fëmijëve?
Deri në moshën pesë vjeçare: 12 orë në natë.
Për moshën 6-10: Mund të zvogëlohet numri i orëve gradualisht.
Mbi moshën 10 vjeçare: Fëmijëve u duhet së paku 8 orë gjumë.

Nuk dëshirojnë të flejnë?
Mundohu të bashkëpunosh se sa tu bërtasësh çdo natë. Negocioni duke sugjeruar një orar më të hershëm gjumi, në vend që të ngulni këmbë.
Kështu, nëse dëshiron që ata të flejnë në ora 21:00, sugjeroju që të bien në ora 20:30 dhe pajtohu që të bien në ora 21:00 vetëm pas një diskutimi të arsyeshëm.
2. Fëmijët që shikojnë TV-në para gjumit,kanë zakon të bëjnë gjumë më pak të thellë, veçanërisht nëse i zë gjumi me televizor ndezur. Fute një periudhë një orëshe para orarit të gjumit, që ata të mund lexojnë libra ose tregime për fëmijë.
3.Mbaje një tabel me orar të gjumit në mur dhe premtoju se do ta shikojnë një film të mirë vizatimor, që e pëlqejnë, ditën e premte në mbrëmje nëse i përmbahen rutinës së orarit të gjumit.

Kujdesuni për shputat e tyre të këmbëve
Për t’iu shmangur sëmundjes infektuese të lëkurës së shputave që njihet si “Athlete’s foot” ia vlen që të harxhojmë disa para më shumë dhe t’u blejmë fëmijëve dy palë këpucë (patika) që do t’i mbathnin një ditë njërën palë dhe ditën tjetër tjetrën. Kështu që këpucët e tyre të mund thaheshin si duhet.

Semundje qe mund te shfaqen.
Kur fëmijët shkojnë në shkollë ata kanë mundësi të marrin çfarëdo sëmundje që gjendet rreth tyre. Një infektim i rëndomtë virusal është i njohur me emrin “Erythema infectiosum” që njihet te ne si “lija e ujit”.
Fëmijët në mes të moshës 5 dhe 14 vjeçare janë të prekshëm nga kjo sëmundje dhe ne nuk e dimë se si përhapet kjo. Ekzistojnë dy faza deri në infektim.
Ndërmjet 4 dhe 14 ditë pas ekspozimit, ata kanë mundësi të kenë temperatura të larta, dhembje koke, dhembje të muskujve, fyt të pezmatuar, kanë rrjedhje lëngu nga hundët, kanë dhembje koke dhe lodhje. Kjo zgjatë për dy ose tri ditë. Në këtë kohë ata mund të bartin sëmundjen te të tjerët, kështu që nuk duhet të lejohen të shkojnë në shkollë. Brenda 7 ditësh tjera ata lirohen nga simptomet. Pastaj u paraqiten puçrra me ngjyrë të kuqe të çelur, së pari në fytyrë e pastaj edhe në trup, në krahë dhe në këmbë të fëmijëve, por këtu më pak. Kjo mund të vazhdojë për disa javë dhe ka zakon të riparaqitet pasi të lahen. Kur t’i shihni simptomet e para, mbani fëmijët në shtrat dhe jepni shumë lëngje për të pirë dhe paracetamol për të zvogëluar ethet. Pas kësaj ata nuk mund të bartin sëmundjen dhe mund të shkojnë në shkollë.