DIELLZA I MUNGON SHKOLLËS

Kerubimi - Motra ime Diellza

O engjell ne krahet e Zotit
O yll i gjithesise qe shendrit
Ti je rrezja e Perendis
Gjithesise i jep te bukuren drite.

Nena ty te lindi
Si nje rreze diellzore,
e hena e shkruar
te ka mbretreshe engjellore.

Je shkendija e ndezur
ne zemrat tona prore,
je vete qielli i kaltersise
me ato rreze diellore.

Je simfonia e shkruar
ne nota e pentagrame,
je sirena e ujrave
qe qan Detera dhe Oqeane.

Moter si une, mbese si babushi Adem
me te mire kush mund te kete,
nuk e kemi prane
po ne zemer per jete.

Mua dha babushit Adem
ne e bere moter nje padrejtesi,
na le ne ne te zezen toke
vete ike ne PARAJSEN GJITHESI.

* Kerubimi= engjell qe jeton ne krahet e Zotit
---------------------------------------------
E falenderoj shume babin tim NAKI per ndihmen qe me dha derisa kriojove kete poezi motres sime Diellze.
( Une deri sot se dija cka eshte Kerubimi por tash e gjeta dhe e di).
- Te falenderoj shume dhe te dua babi im Naki
- Te falenderoj dhe te dua shume babush Adem

I juaji Arlind Gashi
nxenes klasa V

Adem Berisha :

DIELLZA = KERUBIMI E SERAFINA E PERENDISË -
NË KRAH TË PERENDISË ME ENGJUJT MË TË DASHUR TË TIJ

"Zoti e solli në këtë botë
si një mrekulli,
por prap e muar pranë vetës
si engjëll të tij."
Nga : "Lulja e përjetësisë"

Ajo është fëmi, e pastër në tërë qenien e saj mu ashtu siç janë edhe gjithë voglushët e tjerë. Është si ari i kulluar, e pamëkate dhe e padjallëzuar. Nuk ka asnjë fije dyshimi se nga i Madhi Zot është e shperblyer dhe bekuar. Shi për këtë, ajo tash është vetë Kerubimi që rri në krahët e të Madhit Zot. Tek Ai gëzon tërë dashurinë dhe besimin e Tij kështuqë ai e vendosi si Serafin - engjëll me shumë palë krah dhe sy, në vetë fronin e tij.
Prandaj,
"Duani pra këta engjuj
se janë të padjallëzuar,
duani se janë si pllumba
të shëndoshë e të padroguar".
Nga : "Fëmijët e vendit tim"

Mirëpo, poashtu nuk ka as të vetmin dyshim se gjithë ata të cilët janë të stolisur me shpirtmadhësinë e tyre qe në zemrat dhe shpirtërat e tyre përherë të mbajnë këta engjuj të perendisë, të jenë të bekuarit, të shperblyerit dhe stafi më i dashur i Tij.

Unë desha të uroj këta shpirtmëdhenj por nuk kam se çka të uroj më shumë nga ajo që ata vetë janë të uruar dhe bekuar nga i Madhi Zot.
. . .
Por sot është e vështirë të ndalim lotet qe të mos rrjedhin si krua. Ata sot do të rrjedhin dhe do të ujisin tërë fshatin Gjyrgjevik i Madh ku Diellza prehet e qetë dhe pret që sa më shpejt pranë saj t'i shkojë edhe babushi Adem.

"Mori shqipja e malev’ tona
fluturo sot mbi Tiranë,
më nxirr ti, mua nga spitali
e më transporto, ti sot m’at anë.

Më dërgo, n’Gjyrgjevik të Madh
por mos më thuaj qe të mos qaj,
se mbi varr të DIELLZËS sime –
dita është të shkrihem në vaj".
Nga : "Fluturo shqipe"

Edhe JU o shfletues dhe lexues të faqeve shqiptare ti internetit, bashkëpunëtorë, operatorë, moderatorë dhe administratorë të këtyre faqeve, sot jeni të arsyetuar që në vend të djersës nga vapa perclluese
të jeni të larë në lotë për të cilët uroj që pas tashit të Ju jenë vetëm lotë gëzimi e mua mos më zëni për të madhe në asnjë çast pse përherë do të jem i pikëlluar.

"Kështu, në fund të muajit qershor –
më daten njëzetetetë,
jeta ma mori jeten
fare pa u përshëndetë.

Këtë ditë kaq të hidhur
me forcë do ta mallkoj,
se Kerubimi* në këtë ditë më iku
e mua, për jetë më la të vajtoj.

Ate do ta kujtoj me dhëmbje,
me vaje dhe me lot,
edhepse tashmë ndodhet
në krah te të Madhit Zot".
Nga : "Ika e Kerubimit"

Qoftë i lehtë dheu i kësaj toke të shenjtë arbërore për DIELLZEN dhe gjithë diellzat tjera të cilat të qeta prehen në te.
Qoftë i përmotshëm kujtimi për qenien dhe jetërat e tyre.

Shpirtërish falenderoj gjithë ata që më ngushlluan dhe do të më ngushllojnë ne të ardhmen ndersa sot edhe unë ju përcjell ngushllimet e mia më të sinçerta gjithë atyre që iu mungojnë të dashurit e tyre. Zoti i forcoftë dhe i ndihmoftë që më lehtë dhëmbjen ta perballojnë. I juaji Adem Berisha (ademgjurgjeviku@hotmail.com).

Adem Berisha :
I nderuari Shaban, jam i sigurtë se para se unë të lexoj poezinë dhe shkrimin Tuaj të mrekullueshëm dhe me ndjenjat më të fuqishme vllezërore e prindore, Diellza këtë e ka ndie në amshim ngase ajo panderprerë nga atje na veshtron meqë siç thua edhe vetë, ajo është Kerubimi dhe Serafina e Perendisë.
Shaban, po e shfrytëzoj rastin qe të kerkoj falje për një lloj redaktimi të cilin unë i bëra shkrimit tuaj nga se për shkaqe teknike të PC-së tuaj shkrimi kishte dalur jo siç vetë ke deshiruar. Prandaj, nuk e di, nëse është e mundur e mendoj se po, hyn tek shkrimi i juaj në origjinal dhe me edit fshije në tërësi ndersa pastaj kopjoe këte të dytin dhe postoje përsësri. Kur unë e shoh suksesin, atëherë timin poashtu do ta fshi.

Baca Adem,ti ke bere ate qeune vete do te kerkoja nga ti,nga se pershkak nje defekti teknik,kohen e fundit nuk po kam frymezim as me shkruar.pO UNE TE FALEMNDEROJ PER NDERHYREJEN;NDRYSHE DO TE DUHEJ TE KERKOJA NGA NDOKUSH TJETER TE NDERHYJE.

UNË MENDOJ SE NUK DUHET SHLYAR ASNJERI-DO TE MBESIN QE TE DY:Kurse nese ke deshire ,po tepelqeu poezia fute edhe ne faqen tende.
gjitha te mirat baca i nderuar.

poerzi prekese baca adem por dhe e bukur

lona të falem nderit për vlerësimin tuaj lidhur me poezinë time "Ika pa pardon". Inspirimi për këtë poezi ishte i gatshëm, fillimi i vitit të ri shkollor pa Diellzen e bekuar por në raste të veçanta kjo ka të bëj edhe me ndarjet tjera të padeshirueshme si të dy të dashuruarëve që shpesh ndodhin e nuk do të dëshiroja të ndodhnin sepse kur të dashurohet le të dashurohet etj etj.

Motra ime Diellzë

Motra ime Diellzë
O engjulli i Perendisë
Babushi Adem
Na dhuroi "Lahuten e Malëcisë"


Ndihmo Zot si më ke ndihmue
Edhe 500 vjet kanë me kalue,
Që në të bukuren Kosove e Shqipëri
Nuk do te harrojmë oj moter ty.

O moj motër ku më je largue
A hiq ste bjen ndermend për mue,
Përse zi babush po na shkon kjo jetë
Ku ne le oj motër keshtu të shkretë.

O i lumi e i madhi Zot
Pse në vaj gjithë ky mot,
Gjithë ky mot e kjo vetimë,
Gjithë kjo dhimbje e bubullimë.

Letër engjullit i kam que
Se babushi me tha mue,
Dergoja Diellzës "Lahuten e Malëcisë"
Shumë te dua o engjulli i Perendisë

bravo arlind o poet i vogel :puc:

shkruan: xheladin hamza

AROMA E DIELLZËS

Një trëndafil i kuq
I këputur në rrënjë
Me petale të lagura
Me lotët e nxënësve
Ri në bankën e zbrazët
Bash aty ku dikur Diellëza ulej...

Aromën e ndjejnë
Nxënësit dhe mësuesit
Të shkollës së Diellzës...

Gjatë orarit të mësimeve
Në klasën e saj me lot në sy
Shpirti i saj vije çdo ditë
Shoqeve dhe shokëve u thotë
“JA EDHE UNË JAM KËTU, ME JU!”

11. 09. 2007.

lona, Lindi, GISHTËZA, Xheladin, çka të ju them? më leni pa tekst. Unë nuk dij tjetër çka të Ju drejtoj pos një FALEM NDERIT TË MAAAAADHE. Rrofshi e për jetë qofshi të nderuar. Unë e dij se Ju jeni të mëdhenj.

[

DIELLZA 12 VITE PAS

Dymbëdhjetë vite më parë, pikërisht më daten 29. 09. 1995. kjo botë kishte fituar edhe diellin e dytë të quajtur DIELLZA.

"Diten kur u linde
më njëzet e nëntë shtator,
DIELLZË ty të pagëzuam
se lindi dielli i jonë.

Ishte e nëntëdhjetë e pesta
me skame e varfëri,
por ty të dha zoti shëndetin
të gjithë të kishin lakmi".
(...Si ajo nuk ka më tjetër)

Atë ditë ndriqimi i vendit ishte dyfishuar dhe dukej se anë e kënd mbretronte gëzimi, hareja, kënaqësia, lumturia . . . sepse Zoti i Madh kishte lëshuar mbi tokë një engjëll të veçantë të stolisur me shumë e shumë veçanti me të cilat nuk kishte njeri të cilit nuk i tërhiqte vëmendjen. Këtë engjëll të kësaj bote Zoti mua ma kishte falur si një dhuratë ekskluzive dhe preminë e të gjitha premive. Ajo rritej si molla në gemb dhe çdo ditë e më shumë zbukurohej ndërsa me mprehtësinë e saj mendore çdo herë bëhej më tërheqëse për të gjith ata të cilët kishin fatin dhe kënaqësinë ta njihnin. Në vete ngërthente të gjitha veçoritë hyjnore të engjujve të Përendisë. Ajo ishte e lindur që vetëm të dashuronte me tërë qenien e saj ndërsa konceptin e urrejtjës as që e kuptonte. Shëndriste, shëndriste, shëndriste dhe si magnet tërhiqte gjithë ata të cilët kishin fatin dhe kënaqësinë për tu takuar me te.

"Zoti e solli në këtë botë
si një mrekulli,
por prap e muar pranë vetës
si engjëll të tij".
(...Lulja e përjetësisë)

Për shkak të gjendjes tejet të rëndë nga okupimi i poshter serb, më mungonte paraja-leku qe t'i bleja nga një litër qumshtë në ditë gjerësa u gjet një njeri me zemer e shpirtë të Madh, Avdyl Haxhimurati nga Rahoveci, i cili këtë artikull të domosdoshëm veçanërisht për fëmijë ma siguroi kurr pa më pyetur a kam për të ia paguar apo jo. Avdylin sot e gjerë në amshim do ta kujtoj dhe lutem që zoti tek ai dhe gjithë të dashurit e tij të sjell gjithë të mirat që ai ka. Duke qenë se Avdyli këtë ma jipte me zemer, bukuroshja rritej dhe zbukurohej në mënyrë fantastakike.
Si pasojë e këtyre rrethanave të krijuara nga armiqtë e perbetuar te të gjithë shqiptarve, u detyrova që ate ta largoja nga vetja dhe ta dergoja në mergim pranë babit të saj, Agronit i cili dy vite më parë pa pasëportë e duke kaluar burg pas burgu, kishte arritur në Gjermani për të siguruar mbijetesen e prindërve, bashkëshortës dhe Arbërit e Diellzës e cila kishte lindur dy muaj pas shkuarjes së tij në mergim. Atë ditë, më 07. shtator 1997. me autobus u nisem nga Rahoveci për në Prishtinë e prej andej për Mitrovicë për ta lidhur me personat të cilët do ta transportonin për në Gjermani. Prej Prishtine gjerë në Mitrovicë disa studente të univerzitetit të Prishtinës të cilat poashtu me të njejtin autobus udhtonin për në Mitrovicë, nuk kishin të përmbajtur dhe nga duart e mia ma rrembyen për ta puthur e përqafuar duke e mbajtur në krahet e tyre krej gjerë sa arritem në Mitrovicë e më në fund më thanë se kurr në jeten e tyre nuk kishin parë një fëmi të këtillë. Më në fund Diellza tashmë dyvjeçare dhe Arbëri tre vjeçar së bashku me nënen e tyre Fedaijen arrijnë tek babai i tyre Agroni i cili nuk e njihte të bijen të cilen e kishte lënë dy vite më parë në bark të nënës.
Që nga ajo datë, mua lotët nuk më janë tharë sepse më mungonte shpirti i shpirtit tim, Diellza e cila sapo kishte filluar të ecte, nuk linte ditë të zotit pa më pritur në oborr derisa unë vija nga puna ku punoja tek një firmë private pasiqë tashmë pothuajse të gjithë shqiptarët ishin larguar nga puna e tyre.

Kështu, kalojnë tri vite gjerësa përsëri shpirtit tim t'i këthehet shpirti i tij. U kënaqa, u kënaqa e u kënaqa.
Diellzusha tash fillon mësimet parashkollore dhe dihet, ËSHTË MË E MIRA. Pastaj vazhdon mësimet për katër vite rresht pranë shkollës fillre "Isa Boletini" në Rahovec ku me bukurinë e saj, sjelljen e mirë dhe suksesin e dalluar në mësime, të gjithë i mahniste e veçanërisht mësuesen e saj Vera Lila

"Klasës së pestë fillore
e mësuesës Verë që e mësoi,
sa të jenë jeta jetë
DJELLZUSHA do u mungojë".

Por për fatin tim të zi, kjo nuk zgjati shumë dhe më daten 04. 06. 2006. Diellza ime e dashur e pëson në një aksident komunikacioni por me shpirtin e saj të Madh lufton për jetë a vdekje plot 25 ditë, pikërisht gjerë më daten 28. 06. 2006. kur pushon së rrahuri zemra e këtij engjëlli për të shkuar përjetësisht në përjetësi e mua për të më lenë me shpirt të vrarë e zemer të përvëluar.

"Por mua më le me zemer të vrarë
se nuk të kam më pranë,
kopshtin ma ke varfëruar
Oh-aaa-ah ! DIELLZEN ku e kaaam "?!!!
(... Lulja e përjetësisë)

"Veç një yll që e kam n’amshim,
në përjetësi tash që gjallon,
ai është shpirti i shpirtit tim
që ende të gjallë në këtë botë më mbanë".
(... Shpirti i shpirtit)

Ajo tash është lulja më e bukur e përjetësisë dhe vetë mbiylli i gjithësisë:

"Për sa kohë që kopshtin
në këtë botë ma ka stolisë,
tash s’është më lule e tokës
është lule e përjetësisë".
(...Lulja e përjetësisë)

Mirëpo, për mua jeta në këtë botë është bërë e padurueshme dhe e pakuptimtë sepse DIELLZA U LIND TË JETONTE, JO TË VDISTE :

"Arbërit e Arditit
shumë po iu mungon,
po ç’do t’i bësh babushit
për ditë që po shterron.

Ai shumë do të nxitojë
qe tek ti të vij,
është betuar në zotin
që këtu pa ty të mos rrij".
(...Si ajo nuk ka më tjetër)

Kështu ditët kalojnë e dhëmbja sa vie e shtohet

"Thonë se, “koha sheron plagët”
por jo gjithëmonë kjo është e vërtetë
sepse paska edhe plagë të tilla
që nuk sherohen dot kurr në jetë.

Sado që ditët po kalojnë
kurrsesi dhëmbja s’paksohet,
ajo s’bie nga intenziteti
veç sa vie e më shumë shtohet.

Secila ditë që zbardhë e ngryset
diçka tuajen më përkujton,
nga kujtimet e panumërta
OJ SHENJTËRI që na i ke lënë".
(...Koha nuk sheruaka plagët)

E tash të gjithë familjarët, farëfisi, shokët, miqtë e dashamirët dhe të gjithë ata që e njohen por edhe shumë e shumë të tjerë të cilët ate e njohen përmes shkrimeve dhe fotove të saja në faqet shqiptare të internetit, këtë engjëll të përendisë e kujtojnë me mallë, krenari që kishin një mrekulli si DIELLZA por edhe me pikëllim të pashoq që fizikisht ajo tashmë nuk është në mesin e tyre prandaj :

"Për ty do të qajë farë e fisi
anë e m’banë kah janë
se të gjithë nga ‘i plagë në zemer
Diellzë për ty e kanë.

Për ty do të qaj karriga
të zbrazur që e ke lënë,
për ty do të qaj ditari
që s’mban më emrin tënd.

Si do të shikojmë tash rrobat
që i ndërroje çdo ditë,
e si do të shikojmë pesat
në ditar që i ke rradhitë.

Si do të shikojmë tash librat
që na i le kujtim?
çelik ta kishim zemren
s’do bënte durim.
(... Si ajo nuk ka më tjetër)

Eh, DIELLZA neser ka ditëlindjen e dymbëdhjetë të cilen veçanërisht babushi i vetë do ta festojë :

"Dhe, më njëzetenëntë shtator
me shpirt të vrarë do të përkujtoj,
ditëlindjen tënde si ditë të shenjtë
me një gotë helm, do ta festoj.
(...Koha nuk sheruaka plagët)

Z.Adem

Po me vika shume keq qe asnje nga antaret ketu nuk ka lene as edhe nje postim, qofte edhe nje fjale ngushelluese.

Qendroni i forte......

I nderuari Don, edhe unë paksa u habita për këtë derisa tek forumi Naki dhe forumet tjera ku është postuar ky shkrim, është më ndryshe.
I dashuri Don, të falem nderit, do të përpiqemi të mbahemi për aq sa është e mundur derisa për çdo ditë fatkeqësisht dëgjojmë raste të këtilla të reja siç ësht së fundi edhe rasti me 10 vjeçarin si lule trandafili Shqipdon Haradinaj i cili mi ripërtriu plagët e mia jo edhe shumë të moçme. Unë bëra lutjet e mia për këtë engjëll, familjen e tij dhe gjithë të dashurit që ai ka, që zoti të iu jep gjithë forcen e mundëshme për të përballuar më lehtë dhëmbjen.

Babush prano ngushëllimet më të sinqerta për humbjen e të dashures Tuaj, dhe dhe të gjithë neve engjullit Diellza Berisha, Ju shpreh ngushëllimet e mia të thella babush.
Në këto momente të rënda për Ju, Ju lutem bëhuni të
fortë. Unë babush qëndrojmë pranë Jush.

diellza jote do te jete perhere ne zemrat tona

Me lejo edhe njeher te shpreh ngushellimet me te thella per humbjen e engjullit, per recitatoren e Lahutes se Malcise,.... i lehte i qofte dheu i Kosoves dhe familjes ngushllimet me te thella.